КӨЛІК-ЛОГИСТИКА САЛАСЫН ДАМЫТУ – ЭКОНОМИКАЛЫҚ ӨСУДІҢ МАҢЫЗДЫ КЕПІЛІ
Мемлекет басшысы Қасым-Жомарт Тоқаев Қазақстан халқына Жолдауында еліміздің көлік-логистикалық әлеуетін арттыруды стратегиялық басымдықтардың бірі ретінде атап өтті.
Қазақстанның Еуропа мен Азия арасындағы маңызды транзиттік мемлекет ретіндегі мүмкіндіктерін тиімді пайдалану, халықаралық көлік дәліздерін дамыту және заманауи инфрақұрылым қалыптастыру – ұлттық экономиканың бәсекеге қабілеттілігін арттырудың негізгі шарттары.
Осы бағытта теміржол және автомобиль жолдарын жаңғырту, жүк тасымалының тиімділігін арттыру, логистикалық орталықтарды дамыту және отандық тасымалдаушыларды қолдау маңызды міндет болып қала береді.
Көлік-логистика жүйесінің дамуы өңірлер арасындағы экономикалық байланысты нығайтып, кәсіпкерліктің өркендеуіне, жаңа жұмыс орындарының ашылуына және халықтың әл-ауқатының артуына мүмкіндік береді.
Заманауи көлік инфрақұрылымы – қуатты экономика мен тұрақты дамудың негізі!