Ұлытау облысында «Қызылорда–Жезқазған» автожолының қайта жаңарту жұмыстары қарқынды жүргізілуде

Ұлытау облысы аумағындағы «Қызылорда–Жезқазған» автожолының 216–424 шақырым аралығында қайта жаңарту жұмыстары қарқынды түрде жалғасуда.

Қазіргі уақытта нысанда 4 мердігер мекеме толық жұмылдырылып, құрылыс-монтаж жұмыстары бекітілген жоспарға сәйкес атқарылуда.

Атап айтқанда, жол бойында топырақ төсеу, құм-қиыршық тас қоспасын (ПГС) салу, жол негізінің төменгі және үстіңгі қабаттарын төсеу, асфальт-бетон жамылғысының төменгі қабатын салу, су өткізгіш құбырларын орнату, сондай-ақ көпірлердің құрылыс жұмыстары жүргізілуде.

Жалпы, нысандағы жұмыстар белгіленген кестеге сай орындалып, жол құрылысының сапасы мен мерзіміне ерекше көңіл бөлінуде.