18.11.2026 · Қаражал, Ұлытау облысы
Q.QARAJALNEWS
Қазыналы өңірдің ақпарат айнасы
АЙМАҚТЫҚ ҚОҒАМДЫҚ-САЯСИ БАСЫЛЫМҚаражал · Жәйрем · Ұлытау
СОҢҒЫ АҚПАРАТАзаматтардың өтініштері мен ұсыныстары тыңдалды18.11.2026
Ақпарат ағыны

Қоғамның нағыз тірегі – қарапайым еңбек иесі

10.10.2025 · 11:17 · admin

Қарапайым еңбек иесі – қоғамның шынайы қаһарманы. Ол өз еңбегін даңқ үшін емес, ел үшін атқарады. Күн сайынғы жауапкершілік, адалдық пен төзімділік – еңбек адамының өмір қағидасы. Осындай адамдардың арқасында елдің экономикасы дамып, қоғамның тіршілігі үздіксіз жалғасып келеді.

Бүгінгі таңда әлем дамуының бағыты өзгеріп жатқанда да, ең маңызды құндылық – адам еңбегі. Заманауи технология, цифрландыру немесе автоматтандыру да еңбек адамының орнын алмастыра алмайды. Өйткені әр істің артында адамның жүрегі мен жауапкершілігі тұрады.

«Жұмысшы мамандықтар жылы» – елдің назарын осы құндылыққа қайта аударған тарихи кезең. Бұл жыл еңбек адамының мәртебесін арттырып қана қоймай, жастарға шынайы өмірлік үлгі ұсынуы тиіс.

Қарапайым еңбек иесінің қадірін ұғыну – ұлттың мәдениет деңгейін көрсететін өлшем. Сондықтан қоғамның нағыз тірегі де, болашақтың берік іргетасы да – өз ісіне адал еңбек етіп жүрген қарапайым азаматтар.

Такибаев Арынгазы Шакирович

Қаражал қаласы Қоғамдық кеңесінің төрағасы