Сіздерді келе жатқан Жаңа жыл мерекесімен шын жүректен құттықтаймыз! Жаңа жыл – өткенге ой жүгіртіп, болашаққа нық сеніммен қадам басатын ерекше кезең.
Артта қалған жыл біз үшін мазмұнды әрі нәтижелі болды. Бірлігіміз бен ынтымағымыздың арқасында өңіріміздің дамуына бағытталған көптеген игі істер атқарылып, нақты жетістіктерге қол жеткіздік. Бұл табыстар – әрқайсыңыздың адал еңбектеріңіздің, туған жерге деген жанашырлықтарыңыздың жемісі.
Алдағы жылы да ел игілігі жолындағы жұмыстарымыз жалғасын табады. Аймақтың әлеуетін арттыру, халықтың тұрмыс деңгейін жақсарту, кәсіпкерлікті өркендету, жаңа мүмкіндіктер мен жұмыс орындарын ашу – басты назарда болады. Алдымызда жаңа мақсаттар мен биік белестер тұр, оларды бірлесе отырып еңсереміз деп сенеміз.
Осы жарқын мереке қарсаңында әр шаңыраққа шаттық пен береке, тыныштық пен татулық тілейміз. Жаңа жыл сіздерге зор денсаулық, мол ырыс, қуаныш пен сәттілік әкелсін. Әрбір күндеріңіз қуанышқа, әрбір ісіңіз табысқа толы болсын. Отбасыларыңызға амандық тілейміз. Жүректеріңіз үнемі жылулық пен мейірімге бөленсін. Алдағы жыл барлық жақсылықтар мен жаңа мүмкіндіктерге толы болсын. Жаңа 2026 жыл құтты болсын!
Айқын ЕЛЕУСІЗОВ,
Қаражал қаласының әкімі,
Зәмзагүл ОСПАНОВА,
қалалық мәслихат төрағасы.