«Таза Қазақстан – табиғатқа жанашырлықтың белгісі»
Қазақстанда экологиялық мәдениетті нығайтуға және қоршаған ортаның тазалығын сақтауға бағытталған «Таза Қазақстан» акциясы елдің түкпір-түкпірінде өткізіліп келеді. Бұл бастама – қоғамды бір мақсатқа жұмылдыратын, табиғатқа қамқорлықты дәріптейтін игі шара.
Акция барысында елді мекендерде тазалық жұмыстары жүргізіліп, саябақтар мен демалыс орындары ретке келтірілуде. Өзен-көл жағалаулары тазартылып, жасыл аймақтар кеңейтілуде. Әр өңірдің тұрғындары, жастар мен еңбек ұжымдары бұл бастамаға белсенді қатысып, ортақ іске үлес қосуда.
«Таза Қазақстан» – болашаққа жасалған сенімді қадам. Ол халықтың экологиялық санасын арттырып қана қоймай, туған жерге деген сүйіспеншілікті де күшейтеді.
Таза табиғат – ұлт саулығы мен елдің өркендеуінің негізі.
Жуманбаева Мереке Рахимбаевна
Қаражал қаласы Ардагерлер кеңесінің төрағасы