2026 жылғы 15 наурыз Қазақстанның қазіргі тарихындағы маңызды күндердің біріне айналды. Жалпыхалықтық референдумда Қазақстан Республикасының жаңа Конституциясы қабылданып, 1 шілдеден бастап күшіне енді. Бұл еліміздің конституциялық және мемлекеттік дамуының жаңа кезеңін бастады.
Жаңа Конституция Қазақстанның заңдылықты, әділеттілікті және қоғамдық келісімді нығайта отырып, алға ұмтылысын айқындайды. Ата Заңның басты құндылығы – адам, оның өмірі, қадір-қасиеті, құқықтары мен бостандықтары. Мемлекеттің жауапкершілігіне, Конституция мен заңның үстемдігіне, азаматтардың құқықтарын қорғауға ерекше мән беріледі. Маңызды бағыттардың бірі – адам капиталын дамыту. Білім, ғылым, инновация және жаңа білімге ұмтылыс мемлекет дамуының негізгі басымдықтарының бірі ретінде айқындалады. Бұл, әсіресе, Қазақстанның болашағын қалыптастыратын жас ұрпақ үшін маңызды. Мемлекеттік басқару жүйесі де жетілдірілуде.
Жаңа Конституция мемлекеттік институттардың тиімділігі мен жауапкершілігін арттыруға, азаматтардың ел басқаруға қатысу мүмкіндіктерін кеңейтуге бағытталған. Конституция – тек заңдар мен баптардың жиынтығы емес. Ол – еліміздің болашағын айқындайтын берік негіз. Оның қағидалары әр азаматтың заңды құрметтеуінен, жауапкершілігін сезінуінен, адал еңбегінен және ел бірлігін сақтауынан көрініс табуы тиіс. Жаңа Конституция – Қазақстанның тәуелсіздігін, тұрақтылығы мен әл-ауқатын нығайтуға бағытталған дамудың жаңа кезеңі. Оның басты қағидаларын жүзеге асыру – мемлекетпен қатар әрбір азаматтың ортақ міндеті. Жаңа Конституция – жарқын болашаққа бастайтын берік құқықтық негіз.
Қазақстанның жаңа даму кезеңі әр азаматтың белсенділігі мен жауапкершілігінен басталады.
Самал ТУСИПОВА,
Қаражал қалалық мемлекеттік қазынашылық басқармасының басшысы.