Құрметті жерлестер! Қадірменді Отан қорғаушылар!
Сіздерді елдік пен ерліктің жарқын көрінісі – 7 мамыр – Отан қорғаушылар күнімен шын жүректен құттықтаймыз!
Бұл күн – Тәуелсіз Қазақстанның тыныштығы мен қауіпсіздігін қорғап жүрген барша ер-азаматтардың, Отан алдындағы адал қызметін абыроймен атқарып жүрген жауынгерлер мен ардагерлердің мерекесі. Бұл – ерлік пен елдікке, патриотизм мен парызға толы қасиетті күн.
Ата-бабаларымыз аманаттаған Ұлы Дала төсіндегі бейбіт өмір мен азаттықты сақтау – әр азаматтың ардақты борышы. Осы жолда аянбай қызмет етіп жүрген Қарулы Күштеріміздің сарбаздарына, офицерлері мен ардагерлеріне шексіз ризашылығымызды білдіреміз.
Сіздерге зор денсаулық, қайрат-жігер, отбастарыңызға амандық пен ырыс-береке тілейміз. Еліміз аман, жұртымыз тыныш, көк туымыз мәңгі биікте желбірей берсін!
Айқын ЕЛЕУСІЗОВ,
Қаражал қаласының әкімі
Зәмзагүл ОСПАНОВА,
Қалалық мәслихат төрағасы