2026 жылғы 23 тамызда Қазақстан Республикасында Қазақстан Республикасы Құрылтайы депутаттарының сайлауы өтеді. Бұл – еліміздің қоғамдық-саяси өміріндегі маңызды оқиғалардың бірі. Аталған сайлау азаматтардың қоғамдық басқару ісіне қатысу мүмкіндігін кеңейтіп, қоғам мен мемлекет арасындағы өзара байланысты нығайтуға бағытталған.
Құрылтай – елдің стратегиялық даму бағыттарын талқылауға, өзекті мәселелер бойынша ұсыныстар әзірлеуге және қоғамның түрлі өкілдерінің пікірін тоғыстыруға арналған маңызды қоғамдық институт. Сондықтан Құрылтай депутаттарын сайлау – жауапкершілігі жоғары саяси науқан.
Қазақстан Республикасының әрбір азаматы сайлауға қатысу арқылы өзінің азаматтық ұстанымын білдіріп, елдің болашағына қатысты маңызды шешімдердің қалыптасуына өз үлесін қоса алады. Демократиялық қоғамның басты қағидаттарының бірі – халықтың еркін білдіру құқығы. Бұл құқықты жүзеге асыру – әр азаматтың заңмен кепілдендірілген мүмкіндігі.
Сайлауға белсенді қатысу – азаматтық жауапкершіліктің, қоғамдық келісім мен ел бірлігінің көрінісі. Әрбір берілген дауыс қоғамның тұрақты дамуына, әділетті әрі ашық қоғамдық қатынастардың қалыптасуына ықпал етеді.
Жезқазған қаласының тұрғындарын 23 тамыз күні сайлау учаскелеріне келіп, өз таңдауларын жасауға шақырамыз. Азаматтық белсенділік – елдің жарқын болашағының кепілі.
Бірлік – берекенің бастауы, жауапты таңдау – тұрақты дамудың негізі.
23 тамыз – өз таңдауыңызды жасаңыз!
Әр дауыс маңызды!