Алматыдағы барлық сайлау учаскелері 100 пайыз дайын. Бұл туралы Өңірлік коммуникациялар қызметінде өткен брифингте қалалық аумақтық сайлау комиссиясының төрағасы Жанна Асанова мәлім етті, деп хабарлайды ҚазАқпарат тілшісі.
Оның айтуынша, қалада 600 сайлау учаскесі құрылды, оның ішінде 69-ы азаматтардың уақытша тұратын орындарында, 531-і азаматтардың тұрақты тіркелген жерлерінде құрылды. Бүгінде Алматыда 1 миллион 176 мың сайлаушы бар. Сайлаудың тәртібі мен заңдылығының сақталуына сайлау учаскесінің төрағасы жауапты болады.
«Дауыс беру күні сайлау учаскесінде комиссия, байқаушылар, сенім білдірілген адамдар және БАҚ өкілдері болады. Әрқайсында аккредиттеу нормасы бар. Сайлаушылар дауыс беру үшін қанша уақыт қажет болса, сонша уақыт сайлау учаскесі ғимаратында болады», — деді Жанна Асанова. Спикер алматылықтар алдағы кезектен тыс президент сайлауында қалада тіркеуі бар-жоғына қарамастан дауыс бере алатынын еске салды. Сайлау күні әр ауданда арнайы учаскелік сайлау комиссиялары жұмыс істейді, онда дауыс беру үшін бір күнге тіркелуге болады. Келесі күні, яғни 21 қарашада жүйе сайлау учаскесінің мекенжайы бойынша тіркелген азаматтарды есептен шығарады. Бұл ретте сайлаушылар дауыс беру күні сайлау учаскелерінде қызмет көрсетудің екі түрі болатынын ұмытпаған жөн.
«Біріншісі – сайлау учаскесі бойынша тіркеуде тұрған, бірақ өзін тізімнен таппаған сайлаушыларға арналған. Бізде тізімдер дауыс беруге 20 күн қалғанда шығарылады, 30 қазанда қағаз түрінде түсіріліп, сайлау учаскелеріне тапсырылды. Тізімдер учаскелерге берілгеннен кейін өзгерістер болуы мүмкін, адам тіркеуін өзгертуі мүмкін, басқа аймақтан осында тіркелу үшін көшуі мүмкін, ол 18 жасқа толуы мүмкін немесе тегі мен аты өзгеруі мүмкін. Бұл жағдайда сіз осы сайлаушының тізімде бар-жоғын және оның дауыс беруі үшін оны тізімге енгізу туралы комиссияның шешімін тексеруге мүмкіндік беретін қызметті пайдалана аласыз. Бұл тізімдер шығарылып қойғаннан кейін тіркелгендер үшін», — деді ол.
Сонымен қатар, ол Алматыда сайлау барысын 43 халықаралық байқаушы қадағалайтынын айтты.
Сайлау күні 55 сайлау учаскесі жұмыс істейді, оларға Алматыда тіркеуі болмаған жағдайда дауыс беруге болады. ҚР басқа өңірлерінде тіркелген азаматтарға дауыс бере алмайды. Басқа өңірлердің азаматтары есептен шығу куәлігін алуы керек.