Кандидаттар ұстаздар қауымымен кездесті

«Әділет» партиясынан Ұлытау облыстық мәслихаты депутаттығына кандидаттар Әлдібек Тәуекелов пен Диас Алтынбеков Жезқазған қаласындағы Қаныш Сәтбаев атындағы №7 мектеп-лицейінің ұстаздар қауымымен кездесті.
Кездесу барысында кандидаттар партияның сайлауалды бағдарламасын таныстырып, білім беру саласын дамытуға бағытталған басым міндеттер мен мақсаттарға тоқталды. Атап айтқанда, білім сапасын арттыру, білім беру ұйымдарының материалдық-техникалық базасын нығайту, педагогтердің кәсіби әлеуетін қолдау және жас ұрпаққа сапалы білім мен саналы тәрбие беру мәселелері сөз болды.

Сонымен қатар кандидаттар өңірдің әлеуметтік-экономикалық дамуына қатысты жоспарларымен бөлісті.
Дайындаған: «Әділет» партиясы Ұлытау облыстық филиалының баспасөз қызметі.
Тапсырыс беруші: Құрмансейіт А.А.
Ұлытау облыстық мәслихаты депутаттарының сайлауында партиялық тізімін ұсынған «Әділет» партиясы» ҚБ сайлау қорының қаражаты есебінен төленді.