Құрметті жерлестер!

Сіздерді бүгінгі «Ұлттық домбыра» күнімен құттықтаймыз!

Ұлттық домбыра күні – Рухани жаңғырудың əдемі көрінісі. Домбыра – қазақтың жаны, рухы, тарихы, салт-дəстүрі, бүкіл бітім-болмысы деп айтуға болады. Ол Ұлы Даланың төсінде ерте заманнан бері халқымызбен бірге жасап келе жатыр. Ұлттық аспабымыздың бүгінде заманауи музыка өнеріне бейімделіп, дүниежүзінің сахнасында қазақ өнерін танытуға үлкен үлес қосуда. «Домбыра – қазақ үшін жай ғана музыкалық аспап емес, одан əлдеқайда биік тұрған киелі құндылық. Өзіндік үні қайталанбас адам бойына рух беретін, ішкі жан дүниеңді əдемі нұрға бөлейтін домбыраның үніне жетер жер бетінде ешқандай аспап жоқ. Төрт мың жылдай тарихы бар домбыраның қоңыр үні кім-кімді де тамсандырмай қоймайды. Ұлттық кодымызды қайта жаңғыртуға бағытталған айтулы мерекенің əр қазақ баласына берері мол екені белгілі. Құрманғазы, Тəттімбет, Дəулеткерей, Қазанғап, Дина, Сүгір сынды бабаларымыздан мирас болып қалған күй өнерін жандандыруда да бұл күннің алар орны ерекше.

Құндылығымыз артып, ел жүрегінен қоңыр күйімен орын таба білген домбырамыздың қашанда мəртебесі биік болып, əрбір қара шаңырақтың төрінен табылып, жас ұрпақтың бойына ұлттық рухты сіңіре берсін!

Баршаңызды тағы да Ұлттық Домбыра күнімен құттықтай отырып, бақытты да баянды өмір, зор денсаулық, жемісті еңбек, шаңырақтарыңызға шаттық пен қуаныш, құт-береке тілейміз.

Тілектес ДОСАЕВ,

Қаражал қаласының əкімі

Зəмзагүл ОСПАНОВА,

қалалық мəслихат хатшысы