Ел экономикасының қарқынды дамуы мен өндірістік салалардың үздіксіз жұмыс істеуінің артында күн сайын өз міндетіне жауапкершілікпен қарайтын еңбек адамдарының еңбегі тұр. Олар – бір қарағанда көзге көрінбейтін, бірақ кез келген өндіріс пен кәсіпорынның негізгі тірегіне айналған мамандар. Әрбір жұмысшының еңбегі – өңірдің әлеуметтік-экономикалық дамуына ықпал ететін маңызды фактор.
Қазіргі заман өндірісі жоғары технологияларды, үздіксіз жаңғыртуды және кәсіби шеберлікті талап етеді. Осы міндеттерді орындауда еңбеккерлердің орны ерекше. Олар жаңа жабдықтармен жұмыс істеуді меңгеріп, өндірістік процестердің сапасын, қауіпсіздігін және тиімділігін сақтауда маңызды рөл атқарады. Жұмысшының біліктілігі мен ұқыптылығы өндірістің тұрақты жұмыс істеуіне, кәсіпорынның бәсекеге қабілетті болуына және өнімнің сапалы шығуына тікелей әсер етеді.
Экономиканың тынысы саналатын өндіріс ошақтарында адал еңбек етіп жүрген мамандарды қолдау – бүгінгі күннің басты талабы. Еңбек жағдайын жақсарту, кәсіби даму мүмкіндіктерін кеңейту, қауіпсіз еңбек ортасын қалыптастыру – жұмысшы кадрлардың әлеуетін арттыруға бағытталған маңызды қадамдар. Бұл шаралар мамандардың жұмысқа деген ынтасын күшейтіп қана қоймай, жалпы өңір экономикасының тұрақтылығын қамтамасыз етуге мүмкіндік береді.
Жұмысшы еңбегі – ел дамуының берік негізі. Сондықтан еңбек адамының қоғамдағы абыройын көтеру, олардың еңбегін кеңінен насихаттау және жаңа буын мамандарын осы салаға тарту – тұрақты даму жолындағы маңызды міндет. Өндірістің өркендеуі мен экономиканың тұрақтылығы ең алдымен адал еңбектің, шынайы жауапкершіліктің және кәсіби шеберліктің арқасында жүзеге асатыны сөзсіз.
Жуманбаева Мереке Рахимбаевна
Қаражал қаласы Ардагерлер кеңесінің төрағасы