Сыбайлас жемқорлық – мемлекет пен қоғамның дамуына үлкен кедергі келтіретін қауіпті әлеуметтік құбылыс. Ол билік пен лауазымды қызметті жеке пайда үшін заңсыз пайдаланудан көрініс табады. Сыбайлас жемқорлықтың салдарынан әділдік бұзылып, халықтың мемлекеттік органдарға деген сенімі төмендейді.
Бұл құбылыс қоғамдағы теңсіздікті арттырып, экономиканың дамуын тежейді. Парақорлық пен таныстыққа жол беру нәтижесінде білімді, білікті азаматтар өз мүмкіндіктерін толық пайдалана алмайды. Сонымен қатар, сыбайлас жемқорлық заң үстемдігі қағидаттарын әлсіретіп, демократиялық құндылықтарға қауіп төндіреді.
Сыбайлас жемқорлықпен күресу – әрбір азаматтың міндеті. Мемлекет тарапынан заңдар қабылданып, арнайы органдар жұмыс істегенімен, қоғамның белсенді қатысуынсыз бұл мәселемен күресу қиын. Әр адам адалдықты, әділдікті және жауапкершілікті басты құндылық ретінде ұстануы қажет.
Қорытындылай келе, сыбайлас жемқорлыққа қарсы күрес – болашақ ұрпақтың жарқын өмірі үшін жасалатын маңызды қадам. Тек бірлесе әрекет еткен жағдайда ғана әділетті, таза әрі дамыған қоғам құра аламыз.
Айжан ТҮЙТЕБАЕВА,
Қаражал қалалық сотының бас маман-сот отырысының хатшысы.