Ұлытауда референдум мәселесі талқыланған дөңгелек үстел өтті

Музей ғимаратында Ұлытау облысының әкімі Дастан Рысбековтың қатысуымен референдум тақырыбына арналған дөңгелек үстел отырысы ұйымдастырылды.

Жиынға өңірдегі саяси партиялардың жетекшілері, Ардагерлер кеңесінің өкілдері және қоғам белсенділері қатысты. Кездесу барысында партия басшылары баяндама жасап, референдум аясында жүргізілген ақпараттық-түсіндіру жұмыстарының нәтижесін таныстырды. Сондай-ақ өткізілген кездесулердің саны мен қамтылған тұрғындар туралы нақты деректер ұсынылды.

Іс-шара соңында аймақ басшысы қатысушыларды Алғыс айту күнімен құттықтап, ел бірлігі мен қоғамдық келісімді нығайтудағы ортақ жұмыстың маңызын атап өтті