Өңірлік кадр резервін қалыптастыру және мемлекеттік қызметке білікті мамандарды тарту бағытындағы жұмыстар өз нәтижесін беруде.
Өңірлік кадр резервінің мүшесі Әлімжан Айдарбек Әбибуллаұлы Ұлытау облысы әкімінің аппараты ұйымдастыру-инспекторлық жұмыс бөлімінің бас инспекторы лауазымына тағайындалды.
Әлімжан Айдарбек Әбибуллаұлы өңірлік кадр резервіне іріктеудің барлық кезеңдерінен сәтті өтіп, кәсіби білімі мен басқарушылық әлеуетін көрсетті. Оның мемлекеттік қызмет саласындағы тәжірибесі мен жауапкершілігі жаңа қызметінде өз міндеттерін тиімді атқаруға мүмкіндік береді.
Өңірлік кадр резерві – өңірдің дамуына үлес қоса алатын перспективалы әрі білікті мамандарды анықтауға және олардың кәсіби өсуіне қолдау көрсетуге бағытталған маңызды жоба. Резерв мүшелерін тағайындау мемлекеттік аппараттың кадрлық әлеуетін нығайтуға және мемлекеттік қызметтің тиімділігін арттыруға ықпал етеді.
Әлімжан Айдарбек Әбибуллаұлына жаңа қызметінде табыс, кәсіби жетістіктер және ел игілігі жолындағы еңбегіне толағай табыс тілейміз!