Экологиялық өркениетке қадам: “Таза Қазақстан” ұлттық жауапкершілік символы ретінде

Қоршаған ортаны қорғау – бүгінде әр мемлекеттің стратегиялық міндеті. «Таза Қазақстан» бастамасы осы бағытта экологиялық мәдениетті жаңғыртып, қоғам санасына жауапкершілік пен ұқыптылық құндылығын сіңіруді көздейді.

Тазалық тек табиғат жағдайы емес, адам санасының көрсеткіші. Әр азаматтың қоршаған ортаға деген ұқыпты көзқарасы елдің мәдени деңгейін айқындайды. Сондықтан «Таза Қазақстан» – тек экологиялық акция емес, ұлттық сананы тәрбиелеудің маңызды тетігі.

Бұл бастама қоғамды экологиялық мәдениетке баули отырып, тәртіп пен ұқыптылықты күнделікті өмір салтына айналдыруға шақырады. Тазалыққа ұмтылу – өз еліне деген құрметтің, болашаққа деген жауапкершіліктің белгісі.

Экологиялық өркениетке қадам – рухани және мәдени тазарудың нышаны. Әрбір азамат табиғатты қорғауға, қоршаған ортаны таза ұстауға үлес қосқанда ғана еліміз шын мәнінде таза әрі өркениетті мемлекетке айналады.

Сатанов Жанат Рахымжанович

Қаражал қаласы мәслихаты аппаратының басшысы