1 маусым – Халықаралық балаларды қорғау күніне орай жастардың қатысуымен «Болашағымыз – есірткісіз өмір» тақырыбында нашақорлықтың алдын алуға бағытталған флешмоб акциясы ұйымдастырылды.
Іс-шараның негізгі мақсаты – жастар арасында салауатты өмір салтын насихаттау, зиянды әдеттерден аулақ болуға үндеу және қоғам назарын есірткі мәселесінің өзектілігіне аудару болды.
Акция барысында жастар белсенділік танытып, арнайы дайындалған би қойылымдары мен шығармашылық нөмірлерін ұсынды. Қатысушылар өз өнерлері арқылы дені сау ұрпақ – ел болашағының кепілі екенін көрсетті.
Сонымен қатар, флешмобқа қатысушылар есірткіге қарсы ұстанымдарын білдіріп, құрдастарын дұрыс өмірлік таңдау жасауға шақырды.
Шара жастардың азаматтық белсенділігін арттырып қана қоймай, олардың денсаулыққа жауапкершілікпен қарауына және зиянды әдеттердің алдын алуға бағытталған маңызды тәрбиелік алаңға айналды.
Ұйымдастырушылар мұндай іс-шаралар жас ұрпақтың бойында салауатты өмір салтын қалыптастыруға, қоғамда есірткіге қарсы мәдениетті нығайтуға және жастардың бос уақытын тиімді ұйымдастыруға ықпал ететінін атап өтті.
«Болашағымыз – есірткісіз өмір» атты флешмоб жастардың белсенділігі мен бірлігін көрсетіп, жарқын болашақтың негізі – дені сау, білімді және саналы ұрпақ екенін тағы бір мәрте дәлелдеді.
Досан ДУЛЫҒАЛЫ.