Бүгінгі таңда еліміздің тұрақты дамуы мен азаматтардың өмір сапасын жақсартудың басты кепілі – жұмыспен қамтудың тиімді жүйесін қалыптастыру болып отыр.
Еңбек – тек табыс табудың құралы емес, бұл адамның қоғамдағы орнын айқындайтын, өзін-өзі жүзеге асыруына жол ашатын маңызды құрал. Әрбір азаматтың тұрақты жұмыс орнының болуы – отбасының әл-ауқатын, елдің әлеуметтік тұрақтылығын қамтамасыз ететін негізгі факторлардың бірі.
Неге еңбекпен қамту маңызды?
• Жұмыссыздықтың төмендеуі – қылмыстың, кедейліктің, әлеуметтік мәселелердің азаюына ықпал етеді
• Жұмыспен қамтылған азамат – салық төлеуші, экономиканың қозғаушы күші
• Жұмыс орны – адамның өзін-өзі дамытатын, біліктілігін арттыратын орта
• Отбасының материалдық және рухани тұрақтылығын қамтамасыз етеді
Қазіргі таңда елімізде еңбекпен қамтуды арттыру мақсатында түрлі бағдарламалар мен жобалар жүзеге асырылуда, атап айтқанда:
• “Еңбек” ұлттық жобасы
• Жастар практикасы, “Алғашқы жұмыс орны”, “Ұрпақтар келісімшарты”
• Кәсіптік оқыту және қайта даярлау курстары
• Шағын және орта бизнесті қолдау арқылы жаңа жұмыс орындарын ашу
Мемлекет әрбір еңбекке қабілетті адамға жұмыс табуға, жаңа кәсіп үйренуге, жеке кәсібін ашуға жағдай жасап отыр. Бұл мүмкіндікті пайдалану – әр адамның өз қолында.
Біздің ортақ мақсатымыз – еңбекқор, өз кәсібін сүйетін, білікті азаматтардың қатарын көбейту.
Тек осындай жолмен ғана біз әлемдік бәсекеге қабілетті, әлеуметтік тұрғыдан тұрақты, әрі өркениетті қоғам құра аламыз.
Еңбектің қадірін түсініп, бірге әрекет етейік!
Сагинтаева Гульнар Сапаровна — Қаражал қаласының Мансап орталығының директоры