Наурыз айында Ұлытау облысы білім басқармасының Қаражал қаласы №1 жалпы білім беретін мектебінде «Шебер мұғалім – білімді, әрі саналы ұрпаққа негіз болмақ» атты ауқымды семинар ұйымдастырылды. Бұл шара жаратылыстану бағыты бірлестігінің мүшелері мен мектеп әкімшілігінің бастамасымен өтті.
Семинардың мақсаты – еліміздің ертеңі саналатын білімді де саналы ұрпақ тәрбиелеуде ұстаздардың білім беру тәжірибесін арттыру және жаһандық өзгерістерге бейімделген жаңа әдіс-тәсілдермен тәжірибе алмасу. Шараға өңіріміздің жалпы білім беретін мектептерінен келген мұғалімдер мен оқушылар белсене қатысты.
Семинар барысында пән мұғалімдері ашық сабақтар мен практикалық жұмыстар ұйымдастырып, өздерінің кәсіби шеберліктері мен шығармашылық ізденістерін ортаға салды.
-
8 «а» сыныбында химия пәнінің мұғалімі Нүркен Сәрсекеев «Қатты заттардың ерігіштігіне температураның әсері» тақырыбында тәжірибеге негізделген қызықты сабақ өткізді.
-
9 «ә» сыныбында математика пәнінің мұғалімі Гүлзат Омарова «Тригонометриялық функциялардың қосбұрышының және жартыбұрышының формулалары» тақырыбында логикалық ойлау мен формулаларды қолдануға бағытталған сабақ ұйымдастырды.
-
7 «а» сыныбында биология пәнінің мұғалімі Аяулым Балғабаева «Мінез-құлықтың рефлекстік сипаты (шартты, шартсыз рефлекстер)» тақырыбында танымдық сабақ ұсынды.
-
8 «ә» сыныбында физика пәнінің мұғалімі Тоты Молдабекова «Тұрақты магниттер, магнит өрісі» тақырыбында тәжірибе арқылы түсінік берді.
-
7 «ә» сыныбында тәрбие сағатын өткізген Айнаш Жаңабаева «Ұлтаралық және дінаралық келісім» тақырыбында оқушыларды рухани келісім мен бейбітшілікке үндеді.
-
8 «а» сыныбында информатика пәнінің мұғалімі Меруерт Игібаева «Программалауды үйренейік» тақырыбында практикалық тапсырмалармен толықтырылған сабақ өткізді.
-
10 «ә» сыныбында мұғалімдер Роза Сауғанбаева, Жан Асланов және Самат Үйсімбаев бірігіп, «Ақылды үй» тақырыбында жаңа технологияға негізделген мазмұнды сабақ ұйымдастырды.
Сонымен қатар, мектеп директорының бейіндік жұмыс жөніндегі орынбасарлары Айсұлу Тілегенова мен Баршагүл Тоқтыбаева «Мұғалімнің функционалдық сауаттылығы – оқушының функционалдық сауаттылығын дамытудың негізі» тақырыбында мазмұнды семинар өткізді. Онда қазіргі білім беру үрдісіндегі мұғалім мен оқушы арасындағы функционалдық сауаттылықтың байланысы мен маңызы жан-жақты талқыланды.
Мектеп қабырғасында өткен бұл мазмұнды шаралар ұстаздардың кәсіби деңгейін арттырып қана қоймай, оқушыларға сапалы білім берудің тиімді жолдарын ұсынуға мүмкіндік берді. Мұндай тәжірибе алмасу алаңдары алдағы уақытта да жиі ұйымдастырылып, білім беру сапасының артуына елеулі үлес қосатыны анық.
Гүлзат ОМАРОВА,
№1 жалпы білім беретін мектептің математика пәні мұғалімі