Қоршаған ортаның тазалығы – қоғамның өркениеттілігінің, адамдардың өмір сүру сапасының және болашақ ұрпақтың денсаулығының негізгі кепілі. «Таза Қазақстан» акциясы әрбір тұрғынды өз қаласы мен ауласын, қоғамдық орындарды, көшелерді және жалпы өмір сүретін ортаны таза ұстауға шақырады.
Таза табиғат – тек әдемі көрініс қана емес. Бұл – адам өмірінің сапасын анықтайтын маңызды фактор. Таза ортада өсетін балалар дені сау, табиғатты қадірлей білетін азамат болып қалыптасады. Сол арқылы олар экологиялық мәдениеті жоғары, қоғамға пайдалы ұрпаққа айналады. Таза орта – болашақ ұрпаққа қалатын ең құнды мұра болып табылады.
Акцияға қатысу әр азаматтың жеке жауапкершілігін көрсетеді. Қоқысты дұрыс бөлу, қоршаған ортаны ластамау, таза ортаға үлес қосу – барлығы біртұтас әрекет арқылы еліміздің табиғи жағдайын сақтауға және қоғам мәдениетін көтеруге бағытталған маңызды қадамдар.
Әрбір тазалық шарасы – қоғамның экологиялық санасын арттыруға, адамдардың табиғатқа деген жауапкершілік сезімін қалыптастыруға, сондай-ақ елімізді таза және көрікті етуге қосылған нақты үлес болып табылады. Таза табиғат – тек қазіргі өміріміз үшін ғана емес, келер ұрпақтың дені сау, жан-жақты дамыған азамат болып өсуі үшін де қажет.
«Таза табиғат – дені сау ұрпақ кепілі» ұранымен жүргізілетін әрбір іс-шара – еліміздің табиғи ортасын қорғауға бағытталған маңызды қадам, қоғам мен мемлекет бірлігінің көрінісі. Әр әрекет – Қазақстанды таза, қауіпсіз және жайлы елге айналдырудағы нақты үлес.
Сатанов Жанат Рахымжанович
Қаражал қаласы мәслихаты аппаратының басшысы