Қаражал қаласының Вокзал шағынауданында 80 орындық екі қабатты мектеп ғимаратының құрылысы қарқынды түрде жүргізілуде. Аталған нысанның жобасы жергілікті жерге бейімдеу арқылы жүзеге асырылып отыр.
Жобалаушы ұйым – «СуҚұрылысПроект» ЖШС. Жоба 2024 жылғы 19 қарашадағы № PEKZ-0292/24 мемлекеттік сараптама қорытындысымен мақұлданған. Тапсырыс беруші – Ұлытау облысының құрылыс, сәулет және қала құрылысы басқармасы.
Сараптама қорытындысына сәйкес жобаның жалпы құны 1 347 610,0 мың теңгені құрайды. Мемлекеттік сатып алу рәсімдері толық көлемде өткізілген.
Жасалған шарттарға сәйкес құрылыс жұмыстарының жалпы құны 1 280 128,2 мың теңге, оның ішінде:
мердігер ұйым – «CK NEW CITY» ЖШС – 1 244 458,0 мың теңге;
техникалық қадағалау – «BS – INVEST Group» ЖШС – 29 828,9 мың теңге;
авторлық қадағалау – «Су Құрылыс Проект» ЖШС – 5 841,4 мың теңге.
Қазіргі таңда құрылыс-монтаж жұмыстары бекітілген кестеге сәйкес жүргізілуде. Жаңа мектеп пайдалануға берілгеннен кейін қала оқушылары үшін қолайлы әрі заманауи білім беру ортасы қалыптасатын болады.