Табиғат пен адам арасындағы үйлесім – өркениетті қоғамның басты көрсеткіші. Қоршаған ортаны қорғау, экологиялық тепе-теңдікті сақтау және табиғи ресурстарды тиімді пайдалану – елдің тұрақты дамуының кепілі. Өркениет жолына түскен мемлекет үшін экологиялық мәдениетті қалыптастыру – стратегиялық маңызы бар міндет.
«Таза Қазақстан» акциясы – осы бағыттағы ұлттық жауапкершілікті арттырудың айқын көрінісі. Бұл бастама әр азаматты өз ортасына, өз табиғатына жанашырлықпен қарауға үндейді. Тазалық – тек сыртқы көрініс емес, ол – адамның ішкі мәдениетінің, қоғамның сана деңгейінің көрінісі.
Бүгінгі таңда экологиялық ойлау мен табиғатқа ұқыптылық – заманауи өркениеттің жаңа өлшеміне айналып отыр. Қалдықтарды азайту, суды үнемдеу, ағаш егу, энергияны тиімді пайдалану – әр адамның күнделікті өмір салтына айналуы тиіс. Табиғатты сақтау арқылы біз өзіміздің өмірімізді, ұрпағымыздың болашағын қорғаймыз.
Табиғатпен үндес өмір – тек экологиялық ұстаным емес, бұл – адамзат мәдениетінің ең жоғары деңгейі. Әлемнің дамыған елдері экологиялық жауапкершілікті ұлттық идеология деңгейіне көтеріп отыр. Сол сияқты біздің қоғам да таза табиғат, жасыл орта, экологиялық тепе-теңдік арқылы өркениеттің жаңа сатысына көтеріледі.
Өркениетті ел болу – ғылым мен технология жетістіктерімен ғана өлшенбейді. Ол ең алдымен табиғатқа құрметпен қараудан басталады. Себебі табиғатты аялау – адамзаттың өзін қорғауы. Табиғатпен үндес өмір сүру – рухани кемелдіктің және өркениетті дамудың шынайы белгісі.
Сатанов Жанат Рахымжанович
Қаражал қаласы мәслихаты аппаратының басшысы