Еңбек – ел дамуының өзегі, қоғамның тұрақтылығы мен берекесінің негізі.
2025 жылды «Жұмысшы мамандықтар жылы» деп жариялау – қарапайым еңбек адамдарына көрсетілген үлкен құрмет пен олардың қоғамдағы орнын айқындау бағытындағы маңызды шешім.
Мемлекеттің экономикасы мен әлеуеті күн сайынғы маңдай терімен ел игілігіне үлес қосып жүрген жұмысшы азаматтардың еңбегіне сүйенеді. Құрылысшының қала тұрғызудағы, кеншінің жер қойнауындағы, дәнекерлеушінің өндірістегі еңбегі – ел дамуының қозғаушы күші.
«Жұмысшы мамандықтар жылы» – еңбек адамдарының қоғамдағы беделін арттыру, олардың табанды еңбегін бағалау, қарапайым мамандық иелерінің үлесін ұлықтау кезеңі. Бұл жыл – тек еңбек иелерін дәріптеу емес, ел рухын, ұлттық бірлікті нығайтатын бастама.
Адал еңбек – адамдықтың айнасы. Әркім өз ісін жауапкершілікпен, сүйіспеншілікпен атқарса, ел еңсесі биік, қоғам еңбектің қадірін ұғынған ортаға айналады.
Сондықтан да «Жұмысшы мамандықтар жылы» – ел еңбегін дәріптейтін, қарапайым адамның еңбегін қоғам құрметінің төріне шығаратын ерекше жыл.
Бойцун Вера Викторовна
Құқық қорғау органдарының ардагері