Қоғамның өркениетті деңгейін айқындайтын басты өлшемдердің бірі – қоршаған ортаның тазалығы. Табиғатты аялау – ұрпақ алдындағы асыл борыш, ал «Таза Қазақстан» бастамасы осы міндетті жүйелі түрде жүзеге асыруға бағытталған. Бұл бастама – тек экологиялық науқан ғана емес, бүкіл ел бойынша мәдениет пен жауапкершілік деңгейін арттыруға арналған ұзақ мерзімді бағдар.
Табиғи байлықтарды сақтау, өзен-көлдерді қорғау, ормандар мен жасыл аймақтарды көбейту – елдің экологиялық қауіпсіздігін қамтамасыз ететін маңызды қадамдар. Қалдықтарды сұрыптап жинау, тұрмыстық қоқысты қайта өңдеу мәдениетін қалыптастыру, тұрғылықты жерді таза ұстау – әр азаматтың парызы.
Бүгінгі таңда экологиялық жағдайды жақсарту тек мемлекеттік органдардың ғана емес, бүкіл халықтың қатысуын талап етеді. Әр шағын қадам – үлкен нәтижеге бастайды: ауланы таза ұстау, ағаш отырғызу, су көздерін қорғау – болашаққа қосқан өлшеусіз үлес.
Таза орта – мықты денсаулықтың, жоғары өмір сапасының және бақытты қоғамның кепілі. «Таза Қазақстан» – бұл болашақ ұрпаққа жасалған ең қымбат сый, ал оны жүзеге асыру – әрқайсымыздың қолымызда.
Оспанова Замзагуль Кажмукановна
Қаражал қалалық Мәслихатының төрағасы