Шілде айының 24 күні орталық кітапханада Ұлы Отан соғысы Жеңісінің 80 жылдығына арналған «Ұлы Жеңіс – мәңгілік мұра» тақырыбында дөңгелек үстел өткізілді. Шарада оқушылар ардагерлердің өмір жолымен танысып, олардың ерлік хикаяларына қанықты. Іс — шараға қаламыздың жастары қатысты. Ұлы Жеңіс – отансүйгіштік пен қаһармандықтың мәңгілік үлгісі. Бұл мерейтой өткенді еске алу ғана емес, бейбіт өмірдің, тәуелсіздіктің және ел бірлігінің қадірін ұғынуға бағытталған. Бүгінгі шараның ең басты мақсаты жастардың өз Отанын, елін, жерін сүюге, қаһарлы күндердегі халқымыздың үлгі тұтарлық қасиетін мақтан ете отырып, қазақ елінің майданда және тылда көрсеткен ерен ерлігін құрметтеп, жас ұрпақты ұмытпауға, елжандылыққа, Отанын қорғай білуге тәрбиелеу. Өскелең ұрпаққа патриоттық рух пен елге адал қызмет етудің маңызын ұғындыру. Аққпараттық сағатта Ұлы Отан соғысының тарихы кеңінен түсіндіріліп, ардагерлердің өмірі үлгі ретінде ұсынылып, кітап көрмесі ұйымдастырылды.
Ұлы Жеңістің 80 жылдығы – халқымыздың батырлығын, табандылығын және бірлігін ұлықтайтын мәңгілік мереке. Бұл күн – тәуелсіздіктің қадірін ұғынуға, бейбіт күннің бағасын білуге және ел ертеңі – жастарға дұрыс бағыт-бағдар беруге арналған қасиетті күн. Біз бүгінде бейбіт аспан астында өмір сүріп отырсақ – ол ардагерлеріміздің ерліктерінің арқасы! Осы соғыстың 80 жылдығын ашық аспан астында, бейбіт өмірді тойлағанымыз үшін ардагер ата-әжелерімізге алғысымыз шексіз.
«Қаражал қаласының орталықтандырылған кітапханалар жүйесі» КММ-нің библиографы Айтбекова Мадина Боранбаевна