Ulytau Hub алаңында ұйымдастырылған Startup Academy білім беру бағдарламасы өз мәресіне жетті. Аталған курс стартап идеяларымен шектелмей, кәсіпкерлік ойлау жүйесін қалыптастыруға, өсу стратегияларын түсінуге және жеке стартапты іске қосудың алғашқы нақты қадамдарын жасауға бағытталды.
Бағдарлама барысында қатысушылар:
стартаптың даму жолын — идеядан бастап масштабтауға дейін жан-жақты талдады;
гипотезаларды тексеру және Customer Development әдістерімен жұмыс істеуді меңгерді;
өнімнің құндылығын қалыптастыру және нарықпен тиімді коммуникация орнату қағидаларын үйренді;
тәжірибеде қолданылатын заманауи стартап құралдарымен танысты;
қолдау мен бірлескен дамуға негізделген кәсіпкерлік қауымдастықтың бір бөлігіне айналды.
Startup Academy интенсивті форматта өтті: қысқа әрі мазмұнды лекциялар, практикалық тапсырмалар және ашық пікірталастар арқылы қатысушылар өз идеяларын нақты жобаларға айналдыруға мүмкіндік алды. Бұл — Ulytau Hub-та мықты идеялар мен сенімді стартап негізін қалаушылардың қалыптасуына бағытталған жүйелі жұмыстың нәтижесі.
Ulytau Hub командасы бағдарламаның барлық қатысушыларына белсенділігі, жоғары ынтасы және дамуға деген ұмтылысы үшін алғыс білдіреді. Startup Academy бағдарламасы аяқталғанымен, қатысушылар үшін стартап жолы енді ғана басталды.