Қоршаған ортаны қорғау – елдің тұрақты дамуының негізгі алғышарттарының бірі. Осы тұрғыдан алғанда, «Таза Қазақстан» республикалық акциясы экологиялық қауіпсіздікті қамтамасыз етуге, табиғи ресурстарды ұтымды пайдалануға және қоғамдық санада экологиялық мәдениетті орнықтыруға бағытталған.
Аталған бастамаға мемлекеттік құрылымдармен қатар азаматтық қоғам өкілдері, жастар ұйымдары мен еріктілер белсенді түрде атсалысуда. Қалалар мен ауылдық елді мекендерде санитарлық тазалықты қамтамасыз ету, стихиялық қоқыс орындарын жою, жасыл аймақтарды кеңейту бойынша шаралар жүзеге асырылып жатыр.
«Таза Қазақстан» тек экологиялық науқан ғана емес, ол – азаматтардың әлеуметтік жауапкершілігін арттыратын, қоғамды ортақ мақсат жолында жұмылдыратын маңызды қозғалыс. Бұл акция еліміздің табиғи байлығын сақтау мен келер ұрпаққа қолайлы экологиялық орта қалыптастырудағы стратегиялық міндеттердің бір бөлігі болып табылады.
Оспанова Замзагуль Кажжмукановна
Қаражал қалалық мәслихатының төрағасы