2025 жыл елімізде Жұмысшы мамандықтар жылы болып белгіленіп, бұл бастама еңбек адамына деген құрмет пен қолдауды күшейтуге бағытталды. Қоғам өмірінде жұмысшы мамандықтарының орны айрықша, себебі экономиканың барлық саласы олардың қажырлы еңбегіне сүйенеді.
Өндіріс ошақтарында, ауыл шаруашылығында, құрылыс пен көлік саласында еңбек етіп жүрген мамандар елдің тұрақты дамуына және халықтың әл-ауқатына нақты үлес қосып келеді. Бүгінде жаңа технологиялардың енгізілуі жұмысшы еңбегінің маңызын арттыра түсіп, кәсіби шеберлікке қойылатын талапты күшейтуде.
Жұмысшы мамандықтарын насихаттау, жастарды осы салаға баулу – қоғамның стратегиялық міндеттерінің бірі. Сол себепті мемлекет кәсіби-техникалық білім беруді жетілдіріп, өндірістік тәжірибеден өту мүмкіндіктерін кеңейтіп отыр. Бұл жас буынға еңбек нарығында сұранысқа ие мамандықтарды игеруге жол ашады.
Жұмысшы еңбегін бағалау – ел дамуының басты кепілі.
Сагинтаева Гульнар Сапаровна
Қаражал қаласының Мансап орталығының директоры