Қаражал қаласы әкімдігінің ғимаратында қалалық мәслихаттың кезекті ХХVІІ сессиясы болып, Қаражал-Жәйрем өңірінде 2025 жылда атқарылған жұмыстар талқыланып, 2025 жылда атқарылатын жұмыстардың бюджеті талқыланды.
Сессия жұмысына қала әкімі Айқын Елеусізов, қала әкімінің орынбасары Диана Оспанбекова, Жәйрем кентінің әкімі Қайрат Жансағымов, мәслихат депутаттары, Қаражал қаласы аумақтық сайлау комиссиясының төрағасы Ерсін Нүркен, Қоғамдық кеңес мүшелері, бөлім және мекеме басшылары, БАҚ өкілдері қатысты.
Сессияға дейін болған тұрақты комиссия отырысында Ұлытау облысын әлеуметтік-экономикалық дамытудың 2022-2026 жылдарға арналған кешенді жоспарының Қаражал қаласында орындалу барысы, Қазақстан Республикасы мемлекеттік жастар саясатының 2023-2029 жылдарға арналған тұжырымдамасының Қаражал қаласында іске асырылу барысы туралы, Қаражал қаласының жұмыспен қамту және әлеуметтік бағдарламалар бөлімінің атқарған жұмыстары, Қаражал қалалық мәслихатының 2024 жылғы 27 желтоқсандағы сессиясының № 219 «2025-2027 жылдарға арналған Қаражал қаласының бюджеті туралы» шешіміне өзгерістер енгізу, Қаражал қалалық мәслихатының 2024 жылғы 31 желтоқсандағы № 241 «2025-2027 жылдарға арналған Жәйрем және Шалғы кенттерінің бюджеті туралы» шешіміне өзгерістер енгізу, тұрғын үй сертификаттарының мөлшері мен оларды алушылар санаттарының тізбесін айқындау, Қаражал қалалық мәслихатының 2016 жылғы 22 қыркүйектегі V сессиясының «Қаражал қаласының әкімдігі жанындағы төтенше жағдайлардың алдын алу және жою жөніндегі қалалық комиссия құрамын бекіту туралы» № 49 шешіміне өзгерістер енгізу, Қаражал қалалық мәслихатының 2023 жылғы 27 желтоқсандағы ХІ сессиясының № 118 «Қаражал қаласының учаскелік сайлау комиссияларының жаңа құрамын қалыптастыру туралы» шешіміне өзгерістер енгізу, қалалық мәслихаттың депутаты Б.Шікіровтің депутаттық өкілеттігін мерзімінен бұрын тоқтату, Қаражал қалалық мәслихатының 2023 жылғы 30 наурыздағы «Қалалық мәслихаттың әлеуметтік сала, құқық қорғау, тұрғын үй-коммуналдық шаруашылық және экология мәселелері жөніндегі тұрақты комиссиясының құрамы және төрағасын сайлау туралы» № 9 шешіміне өзгеріс енгізу, қалалық мәслихаттың кезекті сессиясының редакциялық комиссиясы туралы және тағы басқа мәселелер қарастырылып, жауапты тұлғалар баяндамаларын жасап, есептерін берді.
Ұлытау облысын әлеуметтік-экономикалық дамытудың 2022-2026 жылдарға арналған кешенді жоспарының Қаражал қаласында орындалу барысы туралы Қаражал қалалық қаржы бөлімінің бастығы Нұргүл Әбдірахманова, Қазақстан Республикасы мемлекеттік жастар саясатының 2023-2029 жылдарға арналған тұжырымдамасының Қаражал қаласында іске асырылу барысы туралы Қаражал қаласы әкімінің орынбасары Диана Оспанбекова, Қаражал қаласының жұмыспен қамту және әлеуметтік бағдарламалар бөлімінің атқарған жұмыстары туралы, тұрғын үй сертификаттарының мөлшері мен оларды алушылар санаттарының тізбесін айқындау туралы Қаражал қаласының жұмыспен қамту және әлеуметтік бағдарламалар бөлімінің басшысы Анар Молдабаеваның, Қаражал қалалық мәслихатының 2024 жылғы 31 желтоқсандағы № 241 «2025-2027 жылдарға арналған Жәйрем және Шалғы кенттерінің бюджеті туралы» шешіміне өзгерістер енгізу туралы Жәйрем кентінің әкімі Қайрат Жансағымов, Қаражал қалалық мәслихатының 2016 жылғы 22 қыркүйектегі V сессиясының «Қаражал қаласының әкімдігі жанындағы төтенше жағдайлардың алдын алу және жою жөніндегі қалалық комиссия құрамын бекіту туралы» № 49 шешіміне өзгерістер енгізу туралы «Қаражал қаласы әкімінің аппараты» мемлекеттік мекемесінің азаматтық қорғаныс және төтенше жағдайлар, жұмылдыру дайындығы бойынша бас инспекторы Еркін Тәкібаев, Қаражал қалалық мәслихатының 2023 жылғы 27 желтоқсандағы ХІ сессиясының № 118 «Қаражал қаласының учаскелік сайлау комиссияларының жаңа құрамын қалыптастыру туралы» шешіміне өзгерістер енгізу туралы Қаражал қалалық мәслихатының аппарат басшысы Жанат Сатанов баяндама жасап, әрі қарай аталған барлық баяндамалар сессияда толықтай сараланып, талданды.
Қаражал қаласының аумақтық сайлау комиссиясының төрағасы Ерсін Нүркен «Ауыл» партиясынан сайланған Қаражал қалалық мәслихаттың депутаты Берік Шікіровтің жеке өтінімі, яғни, отбасылық жағдайға байланысты депутаттық өкілеттігін мерзімінен бұрын тоқтату туралы шешімді жариялады.
Гауһар НАУРЫЗБАЕВА.