Қоғамның дамуы мен өркендеуі ең алдымен еңбекпен тығыз байланысты. Еңбек адамдары – қоғамның тірегі, әрбір өндіріс, қызмет немесе шеберлік осы адамдардың қажырлы еңбегінің нәтижесі болып табылады. Қазақстанда «Жұмысшы мамандықтар жылы» аясында кәсіби шеберлікті дәріптеу, еңбек адамының мәртебесін арттыру және жастарды мамандыққа ынталандыру маңызды міндеттердің бірі болып отыр.
Еңбек тек күнделікті материалдық қажеттілікті қанағаттандыру құралы емес, сонымен қатар ұрпаққа үлгі, қоғамдағы мәдениетті қалыптастыру, кәсіби шеберлікті насихаттау жолы болып табылады. Шеберлік пен табандылық арқылы әрбір жұмысшы өз кәсібін жетілдіріп, өз елінің дамуына тікелей үлес қосады.
Қол еңбегі мен кәсіби дағды – тек жеке адамның емес, тұтас қоғамның байлығы. Әрбір өндіріс саласының қызметкерлері, шеберлер, құрылысшылар мен техникалық мамандар – қоғамның тұрақты дамуының негізі. Заманауи технологиялар мен инновациялық әдістерді меңгерген еңбек адамдары өндіріс тиімділігін арттырып, сапалы өнім мен қызметтің қалыптасуына ықпал етеді.
Еңбек мәдениеті – бұл ұрпаққа үлгі болып, кәсіби тәртіп пен жауапкершілікті қалыптастырады. Жастарды кәсіби мамандыққа баулу, олардың еңбекке деген құрметін қалыптастыру – қоғамның әлеуметтік тұрақтылығын қамтамасыз етудің маңызды бөлігі. Сонымен қатар, еңбек адамының кәсібіне деген құрмет пен қолдау әлеуметтік әділеттіліктің, ынтымақтастықтың және бірліктің кепілі болып табылады.
Қаражалдың еңбек адамдары мен шеберлері – елдің мақтанышы. Олардың қажырлы еңбегі, тәжірибесі және кәсібилігі экономиканың дамуына, өндірістің тұрақтылығына және елдің өркендеуіне үлес қосады. Еңбекпен өркендеген қоғам – бұл әрбір адамның еңбегін бағалай білетін, кәсіби шеберлікті насихаттайтын және әрбір азаматты еңбекке ынталандыратын қоғам.
Байшукенова Тлеухор Жанжумановна
«Қаражал қаласының орталықтандырылған кітапхана жүйесі»
КММ директоры