Еңбек – тек күнделікті тіршілікті қамтамасыз ететін іс емес, ол адамның рухани әлемін байытып, қоғамның дамуына серпін беретін күш. Адал еңбектің қадірін білу, оны дәріптеу әрбір ұрпаққа үлгі болып, рухани жаңғыруға жол ашады.
Қоғамда еңбек адамын бағалай білу – ұлттық мәдениеттің, тарихи дәстүрдің айнасы. Жұмысшы мамандардың қажырлы еңбегі – өндіріс пен қызмет көрсетудің жүрегі, елдің әлеуметтік тұрақтылығының іргетасы. Еңбек адамы тек өзінің кәсібімен ғана емес, қоғамға тигізетін пайдасы арқылы да құрметке лайық.
«Еңбек адамын дәріптеу – қоғамның рухани жаңғыруы» деген ұстаным, ең алдымен жастарға еңбекке деген құрметті, адалдықты және жауапкершілікті үйретеді. Қазіргі заманда да қарапайым шебердің, инженердің, дәрігердің немесе коммуналдық сала қызметкерінің еңбегі қоғамның тыныс-тіршілігін қамтамасыз етеді.
Рухани жаңғыру – тек мәдени шаралар мен өнерде ғана емес, күнделікті еңбектің қадірін білу арқылы жүзеге асады. Сондықтан әрбір еңбек адамының үлесі қоғам үшін ерекше маңызды, ал олардың еңбегін дәріптеу – ұлттық бірлікті, әлеуметтік әділеттілікті нығайтуға бағытталған маңызды қадам.
Адал еңбекке құрмет көрсету – бұл тек моральдық міндет емес, сонымен қатар ел дамуының негізгі тірегі, болашақ ұрпаққа қалатын баға жетпес мұра.
Оспанова Замзагуль Кажмукановна
Қаражал қалалық мәслихатының төрағасы