Қыстың басы жайлы болып басталғанымен қаңтар қалың қарын ала келді. Соңғы бірер күнде жауған қар коммуналдық сала қызметкерлерін біраз әбігерге салды. Олар қар басқан жолдар мен көшелерді күндіз-түні тазалаумен арпалысты.
Мұндай қарбалас жұмыс Қаражал қаласында да жүріп жатыр. «ZANGAR-2205» жауапкершілігі шектеулі серіктестігінің жұмыскерлері мен арнаулы техникалары қала және оның айналасындағы елді мекендерді қардан тазарту жұмысын қызу жүргізуде. Жергілікті мердігер ұйымының белсенді қимылының арқасында барлық негізгі бағыттағы жолдар мен басқа да маңызды учаскелер қардан тазартылуда. Жұмыс үздіксіз жүргізілуде.
– Қар тазалау жұмыстарына ауа райы мен қардың қалыңдығы әсер етеді. Тұрғындардың өтініштері уақытында қарастырылып, басым бағыттарға ерекше назар аударылуда. Жұмыс жалғасуда, барлық көшелер кезекпен тазалануда, – дейді серіктестік өкілдері.