Мемлекет басшысы қоғам тарапынан жаңа өзгерістерге деген сұранысты сезіне отырып, азаматтардың өздеріне республиканың болашағын анықтауға мүмкіндік беру жөнінде шешім қабылдады. Қазақстанның экологиялық ұйымдары қауымдастығының басқарма төрайымы Айгүл Соловьева осылай деді. Оның айтуынша, референдум өткізу әрбір қазақстандыққа елдің саяси құрылымын одан әрі дамытуға жеке үлес қосуға және билік пен қоғам арасындағы өзара қарым-қатынастың жаңа жүйесін белгілеуге мүмкіндік береді.
«Мемлекет басшысы біз Қазақстан азаматтары ретінде қатыса алатындай өз ұсынысын білдірді. Ол біз қол жеткізуге тиіс болашақтың бейнесін ұсынды және билік институттары арасында жаңа конституциялық тепе-теңдікті қалыптастыру және басқару нысандарын өзгерту міндетін алға қойды. Менің ойымша, бұл өте маңызды және өзекті. Әрине,«Жаңа Қазақстан» мен Екінші республика қайта ойлауды, қайта жүктеуді қажет етеді. Осы орайда бүгін біз талқылап отырған жағдайлар болып жатыр», — деді спикер пікірталас алаңындағы әріптесінің «референдумға бару» туралы үндеуін қолдай отырып.
