Қоғамның тұрақтылығы мен дамуы тікелей заңның үстемдігіне және құқықтық тәртіптің сақталуына байланысты. Президент өз Жолдауында құқық қорғау саласын жетілдіру, азаматтардың қауіпсіздігін қамтамасыз ету және әділетті қоғам құру мәселелеріне ерекше назар аударды. Бұл бастамалар Қазақстанның құқықтық мемлекет ретінде одан әрі дамуына ықпал етеді.
Құқықтық тәртіп – әділетті қоғамның негізі
Әрбір мемлекеттің табысты дамуы оның заңдарының қаншалықты мықты орындалатынына байланысты. Қазақстанда құқықтық жүйені жетілдіру үшін кешенді реформалар жүргізілуде. Мемлекет басшысы атап өткендей, заң үстемдігі мен әділ сот жүйесін қамтамасыз ету – басты міндеттердің бірі.
Құқық қорғау органдарының қызметі азаматтардың құқықтары мен бостандықтарын қорғауға бағытталуы тиіс. Сондықтан Президент Жолдауында:
-
құқық қорғау саласын реформалау,
-
полицияның азаматтарға қызмет көрсету моделіне көшуі,
-
сот төрелігінің әділдігін арттыру мәселелері көтерілді.
Сыбайлас жемқорлықпен күрес – заң үстемдігінің кепілі
Заңның үстемдігі мен тұрақты қоғам қалыптастыру үшін сыбайлас жемқорлыққа қарсы күресті күшейту қажет. Президент сыбайлас жемқорлықтың мемлекеттік басқару жүйесіне және қоғамға тигізетін кері әсерін атап өтті.
Бұл бағытта:
-
мемлекеттік басқаруда ашықтық пен есептілікті арттыру;
-
жемқорлыққа қарсы заңнаманы күшейту;
-
қоғамдық бақылау институттарын дамыту
секілді шаралар жүзеге асырылуда.
Сыбайлас жемқорлық – қоғамның дамуына кедергі келтіретін өзекті мәселе. Оның алдын алу және құқықтық мәдениетті арттыру мақсатында қаламызда жыл бойы түрлі іс-шаралар ұйымдастырылады. Азаматтардың мемлекеттік қызметкерлердің адалдығына деген сенімін нығайту – құқықтық мемлекеттің маңызды көрсеткіштерінің бірі.
Қоғамдық қауіпсіздік – дамудың кепілі
Заманауи қоғамда қауіпсіздік мәселесі ерекше маңызға ие. Президент қоғамдық тәртіпті нығайту үшін құқық қорғау органдарының қызметін реформалауға баса назар аударды.
Бұл реформалар:
-
қоғамның полицияға деген сенімін арттыруды,
-
олардың қызметін халыққа барынша жақындатуды көздейді.
Сонымен қатар, цифрлық технологияларды пайдалану арқылы құқық қорғау саласын жаңғырту да маңызды қадамдардың бірі.
Заң мен тәртіп – Тұрақты Қазақстанның тірегі
Заң мен тәртіп – кез келген мемлекеттің тұрақтылығы мен дамуының негізгі тірегі. Президент Жолдауында көтерілген құқықтық реформалар әділетті қоғам құруға және әрбір азаматтың құқықтары мен бостандықтарын қорғауға бағытталған.
Әділ заң, сенімді құқық қорғау жүйесі және белсенді азаматтық қоғам – тұрақты әрі дамыған Қазақстанның басты кепілі.
Гүлмира ИСИНА,
«Қаражал қаласының ішкі саясат, мәдениет, тілдерді дамыту және спорт бөлімі» ММ басшысы